Carnadh déthaobhach

 

Airteagal 40 (“Carnadh tionscnaimh”) den Chomhaontú Trádála agus Comhair idir an tAontas Eorpach agus an Ríocht Aontaithe

Leis an gcarnadh déthaobhach is féidir ábhair (e.g. páirteanna, comhpháirteanna) de thionscnamh na tíre comhpháirtíochta fabhraí a mheas mar ábhair de thionscnamh an Aontais nuair a úsáidtear iad chun táirge eile a dhéanamh san Aontas (agus vice versa).

  • Is é seo bunchineál an charntha agus tá sé coiteann do chomhaontuithe trádála uile an Aontais.
  • Ní féidir ach ábhair thionscnaimh a úsáid le haghaidh carnadh déthaobhach.
  • Ní mór don táirgeacht dul níos faide ná oibríochtaí neamhleora sa tír ina ndearnadh an chéim próiseála dheireanach.

Sampla den charnadh déthaobhach idir an tAontas agus an tSile faoin gComhaontú Comhlachais idir an tAontas agus an tSile

Éadaí glantacháin a aicmítear faoi fho-cheannteideal CC 6307.10, déantar iad san Aontas ina n-úsáidtear fabraic de thionscnamh na Sile agus snáithe fuála neamhthionscnaimh ón tSín. Is ionann an fhabraic a allmhairítear ón tSile agus 45 % de luach phraghas an éadaigh díreach ón monarcha agus an snáithe fuála 10 %.

Ceanglaítear leis an riail tháirgeshonrach sa Chomhaontú Comhlachais idir an tAontas agus an tSile nach mó luach na n-ábhar neamhthionscnaimh ná 40 % de phraghas an táirge díreach ón monarcha.

A bhuí le carnadh déthaobhach, meastar gur de thionscnamh an Aontais Eorpaigh an fhabraic a allmhairítear ón tSile. Nuair a onnmhairítear na héadaí glantacháin go dtí an tSile, cáilíonn siad mar éadaí de thionscnamh an Aontais toisc nach mó na hábhair neamhthionscnaimh (snáithe fuála) ná 40 % de phraghas an táirge díreach ón monarcha.

Sampla den charnadh déthaobhach idir an tAontas agus Montainéagró faoin gCoinbhinsiún Pan-Eora-Mheánmhara (PEM)

Déantar uirlis cheoil a aicmítear faoi Chaibidil 92 den Chóras Comhchuibhithe agus de thionscnamh an Aontais Eorpaigh a onnmhairiú go Montainéagró, áit a ndéantar tuilleadh oibrithe nó próiseála uirthi (trí vearnaisiú). Téann an phróiseáil thar na ‘hoibríochtaí beaga’ a leagtar amach i gCoinbhinsiún PEM ionas go n-onnmhairítear an táirge deiridh ar ais chuig an Aontas Eorpach a cháilíonn mar tháirge de thionscnamh Mhontainéagró.

Naisc thapa

  1. Naisc úsáideacha
  2. Nuacht

Ceisteanna Coitianta

  1. Nuair a thagraíonn an taraif do mheáchan, an bhfuil ollmheáchan nó glanmheáchan aici?
  2. Conas is féidir liom teacht ar an dleacht ar allmhairí a bhaineann le mo tháirge?
  3. Más mian liom mo tháirge a dhíol i roinnt Ballstát, an bhfuil dleachtanna iompórtála le híoc gach uair a théann mo tháirge isteach i dtír eile?
  4. An féidir liom liosta táirgí a ngearrtar dleacht iompórtála 0 % orthu a fháil?
  5. An gcuirtear dleachtanna máil i bhfeidhm ar leibhéal an Aontais nó ar an leibhéal náisiúnta?
  6. Cén chaoi a ngearrtar CBL san Aontas Eorpach?
  7. Conas is féidir liom cead a fháil chun iasc a onnmhairiú chuig an Aontas Eorpach?
  8. An gá do bhia a onnmhairítear chuig AE teacht ó bhunaíocht atá údaraithe ag an Aontas Eorpach?
  9. An gcaithfidh mé íoc as mo Chúntóir Trádála le haghaidh Seirbhísí agus Infheistíochta?
  10. Cé na teangacha i mo Chúntóir Trádála do Sheirbhísí agus Infheistíocht?