Seirbhísí – staidreamh

I measc na seirbhísí tá réimse leathan earnálacha, lena n-áirítear iompar, teileachumarsáid, seirbhísí gairmiúla, seirbhísí airgeadais, seirbhísí poist agus cúiréireachta, miondíol agus dáileadh, seirbhísí comhshaoil agus turasóireacht.

Is é an tAontas Eorpach an t-onnmhaireoir agus an t-iompórtálaí seirbhísí is mó ar domhan agus tá thart ar 25 % de sheirbhísí á dtrádáil ar fud an domhain aige. Is ionann trádáil seirbhísí agus trian de luach comhcheangailte iomlán an AE ar thrádáil earraí agus seirbhísí, agus tá seirbhísí breise leabaithe freisin i luach fhormhór na n-earraí.

Cuireann Eurostat staidreamh ar fáil ar leibhéal na hearnála do na príomhearnálacha seo a leanas

• seirbhísí monaraithe ar ionchuir fhisiciúla atá faoi úinéireacht daoine eile
• seirbhísí cothabhála agus deisithe, nach n-áirítear in aon áit eile
• iompar
• taisteal
• tógáil
• seirbhísí árachais agus pinsin
• seirbhísí airgeadais
• muirir ar mhaoin intleachtúil a úsáid, nach n-áirítear in aon áit eile
• seirbhísí teileachumarsáide, ríomhaireachta agus faisnéise
• seirbhísí eile gnó
• seirbhísí pearsanta, cultúrtha agus áineasa
• earraí agus seirbhísí rialtais, nach n-áirítear in aon áit eile

Le staidreamh i ndáil le trádáil idirnáisiúnta seirbhísí déantar taifead ar na hidirbhearta seirbhísí a tharlaíonn

• idir cónaitheoirí Bhallstáit an Aontais Eorpaigh
• idir cónaitheoirí Bhallstáit an AE agus cónaitheoirí ó thíortha nach Ballstáit iad

Soláthraíonn na staitisticí seo na luachanna airgeadaíochta de réir cineáil seirbhíse agus de réir tíre comhpháirtíochta, bunaithe ar na hidirbhearta arna dtaifeadadh faoi chomhardú íocaíochtaí tíre.

• tuilleadh eolais faoi staitisticí trádála seirbhísí achuardach
• An mhodheolaíocht a úsáidtear chun na staitisticí a tháirgeadh a chuardach
• An bunachar sonraí a chuardach le haghaidh staitisticí maidir le trádáil i seirbhísí
• féachaint ar na héagsúlachtaí i dtrádáil seirbhísí a dhéanann na Ballstáit