Lamháltas nó de minimis

Mura gcomhlíontar riail tionscnaimh do tháirge, d’fhéadfaí a mheas fós gur de thionscnamh an táirge é i gcásanna áirithe.

Is féidir a mheas fós go gcomhlíonann an táirge an riail tionscnaimh is infheidhme mura sáraíonn luach na n-ábhar neamhthionscnaimh tairseach a shonraítear i ngach prótacal tionscnaimh. Is iondúil gurb ionann an tairseach sin agus 10 % nó 15 % de phraghas an táirge díreach ón monarcha.

Má tá an riail a bhaineann le do tháirge ar cheann de na trí riail a thuairiscítear sa roinn maidir le hearraí atá claochlaithe go leordhóthanach, féadfaidh an lamháltas a bheith i bhfeidhm mar seo a leanas:

• Má chuirtear an riail maidir le ‘hathrú ar aicmiú taraife’ i bhfeidhm, ceadaítear leis an lamháltas úsáid a bhaint as ábhair neamhthionscnaimh a bhfuil na ceannteidil taraife chéanna acu agus atá ag an táirge deiridh — ar choinníoll nach sáraíonn luach na n-ábhar sin an tairseach lamháltais.
• Má chuirtear an riail maidir le ‘monarú ó tháirgí áirithe’ i bhfeidhm, ceadaítear leis an lamháltas ábhair neamhthionscnaimh a úsáid arb ionann iad agus céim táirgthe níos déanaí — ar choinníoll nach sáraíonn a luach an tairseach lamháltais.
• Má chuirtear riail an bhreisluacha i bhfeidhm, tabhair faoi deara nach féidir leat an lamháltas a úsáid mar thairseach don riail shonrach maidir le tionscnamh — sa chás sin ní féidir an tairseach uasta céatadáin a shárú.