Ftehimiet kummerċjali tal-UE f’Access2Markets
Ibbenefika minn tariffi aktar baxxi u minn vantaġġi oħra li joffrulek il-ftehimiet kummerċjali preferenzjali tal-UE!
L-UE għandha aktar minn sebgħin ftehim kummerċjali ma’ pajjiżi madwar id-dinja
Iċċekkja:
Dawn il-ftehimiet ikopru kważi tnejn minn kull ħamsa tal-kummerċ kollu tal-UE ma’ pajjiżi oħra. Taħthom, il-kumpaniji mill-UE u l-pajjiżi sħab igawdu minn kundizzjonijiet aktar vantaġġużi minn dawk offruti skont id-WTO.
Il-benefiċċji ta’ dawn il-ftehimiet jinkludu
- tariffi aktar baxxi jew żero
- proċeduri doganali aktar faċli u aktar rapidi
- rikonoxximent ta’ ċertifikati ta’ prodotti
- mobilità ta’ l-istaff
- aċċess għal offerti pubbliċi
- protezzjoni aħjar għad-DPI tiegħek
X’għandek tkun taf dwar il-benefiċċji
- il-privileġġi tiegħek ivarjaw minn ftehim għal ieħor u jiddependu fuq il-prodott/is-settur
- mhux il-benefiċċji kollha huma awtomatiċi — fis-settur tal-oġġetti, pereżempju, jeħtieġ li
- tagħti prova ta’ fejn ikun sar il-prodott tiegħek
- imla l-formoli doganali
- tirreġistra fis-sistema REX tal-UE jew bħala Esportatur Approvat
- tkun liċenzjat (a) biex tipprovdi servizzi
- ikollok ċertifikati ta’ sigurtà għall-prodott tiegħek
- tapplika għall-protezzjoni tal-proprjetà intellettwali tiegħek
- xorta tista’ tħabbat wiċċek ma’ ostakli — iżda l-ftehim kummerċjali tal-UE jista’ jagħmilha aktar faċli li tneħħihom — għidilna jekk taħseb li qed tiffaċċja ostaklu għall-kummerċ meta tesporta mill-UE
- Il-kumpaniji jew l-individwi ma jistgħux jinfurzaw ftehim kummerċjali fil-qorti. Madankollu, l-UE u l-pajjiżi sħab huma legalment marbuta li jimplimentawhom. Jekk ma jagħmlux dan, fil-biċċa l-kbira tal-każijiet, il-parti l-oħra tista’ tattiva mekkaniżmu għas-soluzzjoni tat-tilwim.
Kapitoli dwar l-intrapriżi żgħar u ta’ daqs medju (SMEs) fil-Ftehimiet Kummerċjali
Il-ftehimiet kummerċjali l-ġodda kollha se jkun fihom Kapitolu dwar l-SMEs, jekk il-pajjiż sieħeb jaqbel. Dan jippermetti skambju aħjar ta’ informazzjoni dwar kwistjonijiet ta’ aċċess għas-suq, kif ukoll kooperazzjoni produttiva bejn il-Kummissjoni u l-pajjiż sieħeb meta jiġu indirizzati kwistjonijiet relatati mal-SMEs fil-ftehim kummerċjali.
- Il-Ftehim ta’ Sħubija Ekonomika UE-Ġappun
- Ftehim dwar il-Kummerċ u l-Kooperazzjoni (TCA) bejn l-UE u r-Renju Unit
Barra minn hekk, fit-26 ta’ Settembru 2018, il-Kumitat Konġunt tal-Ftehim Ekonomiku u Kummerċjali Komprensiv (CETA) bejn l-UE u l-Kanada qabel f’ Rakkomandazzjoni speċifika għall-SMEs li kull Parti tipprovdi informazzjoni online lill-SMEs tal-Parti l-oħra dwar is-CETA u l-aċċess għas-suq, u li Punt ta’ Kuntatt għall-SMEs fuq kull naħa jaħdem flimkien biex jindirizza kwistjonijiet speċifiċi għall-SMEs.
X’joffri Access2Markets?
- Tikseb ħarsa ġenerali tat-tipi differenti ta’ ftehimiet kummerċjali u arranġamenti kummerċjali li tista’ tibbenefika minnhom
- Tifhem l-elementi kostitwenti ewlenin ta’ ftehim kummerċjali
- Interessat (a) li tinnegozja ma’ pajjiż barrani speċifiku? Skopri aktar dwar il-kundizzjonijiet li japplikaw fit-taqsima tas-Swieq u kkonsulta l-gwidi ddedikati tagħna
- Diġà taf minn fejn tixtieq timporta jew tesporta lejn? L-assistent tiegħi għall-Kummerċ se jidderiġik lejn il-kundizzjonijiet u r-rekwiżiti speċifiċi għall-prodott tiegħek.
- Għadu mhux familjari ma’ My Trade Assistent? Agħti titwila lill-gwida għall-utent u ara t-tutorial tagħna.