Oġġetti prodotti b’regoli ta’ konservazzjoni
Din il-paġna sservi bħala dokument ta’ referenza biss għar-rekwiżiti tal-prodotti fl-UE kollha. Jistgħu japplikaw rekwiżiti addizzjonali skont il-pajjiż tad-destinazzjoni tal-UE. Jekk jogħġbok irreferi għall-Assistent tal-Kummerċ Tiegħi għad-dettalji kollha.
Jekk jogħġbok kun af li f’din il-paġna, deskrizzjoni ġenerali ta’ kull intestatura hija pprovduta fil-lingwi kollha tal-UE. Madankollu, id-dettalji huma disponibbli biss bl-Ingliż.
Restrizzjonijiet fuq l-importazzjoni ta’ Sustanzi li Jnaqqsu s-Saff tal-Ożonu (ODS) u ta’ gassijiet fluworurati b’effett ta’ serra
Prodotti li jnaqqsu l-ożonu
Bil-għan li jiġi protett l-ambjent, l-importazzjonijiet ta’ prodotti u tagħmir li fihom sustanzi li jnaqqsu s-saff tal-ożonu (ODS) fl-Unjoni Ewropea huma pprojbiti. Din il-projbizzjoni tapplika għall-importazzjonijiet minn kwalunkwe pajjiż, kemm jekk parti għall-protokoll ta’ Montreal tal-1987 dwar l-ODS kif ukoll jekk le.
Sustanzi li jnaqqsu s-saff tal-ożonu
Fid-dawl tal-protezzjoni tal-ambjent, l-importazzjonijiet ta’ sustanzi li jnaqqsu s-saff tal-ożonu (ODS) huma awtorizzati jidħlu fl-Unjoni Ewropea (UE) biss jekk jissodisfaw ċerti kundizzjonijiet.
Projbizzjoni ta' prodotti li fihom gassijiet fluworurati b'effett ta' serra
It-tqegħid fis-suq ta' ċerti prodotti u tagħmir li fihom gassijiet fluworurati b'effett ta' serra huwa pprojbit sabiex jitnaqqsu l-emissjonijiet tal-gassijiet fluworurati b'effett ta' serra koperti mill-Protokoll ta' Kjoto.
Rekwiżiti tal-kummerċjalizzazzjoni għaż-żebgħa u l-verniċ
Iż-żebgħa u l-verniċ iridu jikkonformaw mar-rekwiżiti tal-kummerċjalizzazzjoni mfassla sabiex jiġu evitati l-effetti ambjentali negattivi tal-emissjonijiet ta’ komposti organiċi volatili (VOC).
Kummerċjalizzazzjoni ta' prodotti li fihom gassijiet fluworurati b'effett ta' serra
Il-kummerċjalizzazzjoni ta’ prodotti u tagħmir li fihom gassijiet fluworurati b’effett ta’ serra hija soġġetta għal dispożizzjonijiet li jikkonċernaw, fost l-oħrajn, il-projbizzjonijiet tas-suq, ir-rekwiżiti ta’ tikkettar, ir-rapportar ta’ informazzjoni u l-obbligi ta’ reġistrazzjoni.
Protezzjoni tal-ispeċijiet fil-periklu (Fauna u Flora)
CITES - Endangered Species Protection
L-importazzjonijiet ta’ speċijiet koperti mill-Konvenzjoni dwar il-Kummerċ Internazzjonali fl-Ispeċijiet ta’ Fawna u Flora Selvaġġi fil-Periklu (CITES) huma soġġetti għal sistema ta’ verifika doppja li tinkludi kontrolli tal-esportazzjoni u tal-importazzjoni kemm fil-pajjiż tal-oriġini kif ukoll fil-punti ta’ dħul magħżula mill-UE
Monitoraġġ statistiku tal-kummerċ tat-tonn obeż u tal-pixxispad
L-importazzjonijiet tat-tonn u tal-pixxispad huma permessi biss jekk il-merkanzija kkonċernata tkun akkumpanjata mid-dokument statistiku tal-importazzjoni. L-għan tal-miżura huwa li jiġu ppreservati l-ispeċijiet affettwati.
Skema ta' dokumentazzjoni tal-qbid għat-tonn
L-importazzjonijiet tat-tonn huma soġġetti għal skema ta’ dokumentazzjoni tal-qbid maħsuba biex tidentifika l-oriġini tat-tonn kollu sabiex tirregola l-istokkijiet ta’ din l-ispeċi, biex ittejjeb il-kwalità u l-affidabbiltà tad-data statistika u biex tipprevjeni, tiskoraġġixxi u telimina s-sajd illegali.
Skema ta’ dokumentazzjoni tal-qbid għad-Dissostichus spp.
L-importazzjonijiet tad-Dissostichus spp (komunement magħrufa bħala toothfish) iridu jkunu akkumpanjati minn dokument tal-qbid sabiex jiġu implimentati l-miżuri ta’ monitoraġġ tas-CCAMLR (il-Konvenzjoni dwar il-Konservazzjoni tar-Riżorsi Ħajjin tal-Baħar Antartiku)
Rekwiżiti tal-importazzjoni għall-prodotti mill-foki
L-importazzjonijiet għal skopijiet kummerċjali ta’ ġlud tal-pil ta’ frieħ ta’ kowtijiet bojod ta’ foki tal-arpa u frieħ ta’ foki tal-barnuża, u oġġetti magħmula minnhom, huma pprojbiti. L-importazzjonijiet ta’ xi prodotti speċifiċi ta’ dan it-tip jistgħu jkunu permessi jekk jikkonformaw ma’ ċerti rekwiżiti.
Kontroll fuq is-sajd illegali
L-importazzjonijiet ta’ ċerti prodotti tas-sajd huma kkontrollati sabiex jiġi evitat, skoraġġut u eliminat is-sajd illegali, mhux irrappurtat u mhux irregolat (IUU)
Kontroll fuq l-injam u l-prodotti tal-injam illegali
L-importazzjonijiet ta’ injam maħsud illegalment u l-prodotti derivati minnu huma pprojbiti.
Skema ta’ liċenzjar tal-flegt għall-importazzjonijiet tal-injam
L-importazzjonijiet ta’ prodotti tal-injam esportati minn pajjiżi li jimplimentaw din l-iskema volontarja huma pprojbiti sakemm il-vjeġġ ma jkunx kopert minn liċenzja FLEGT
Kontroll tal-proċessi tal-produzzjoni u ta’ wara l-produzzjoni bl-użu ta’ sustanzi perikolużi
Rekwiżiti ta' kummerċjalizzazzjoni għal batteriji u akkumulaturi
Minħabba l-ammont ta' sustanzi perikolużi li jkun fihom u sabiex jitħares l-ambjent, it-tqegħid fis-suq ta' ċerti batteriji u akkumulaturi huwa pprojbit.
Rekwiżiti ta’ kummerċjalizzazzjoni għal tagħmir elettriku u elettroniku
L-użu ta’ ċerti sustanzi perikolużi huwa ristrett fit-tagħmir elettriku u elettroniku (EEE) imqiegħed fis-suq tal-UE. Il-manifatturi u l-importaturi ta’ dawn il-prodotti għandhom ir-responsabbiltà fir-rigward tal-immaniġġjar tal-iskart, b’mod partikolari għall-promozzjoni tal-użu mill-ġdid, ir-riċiklaġġ u forom oħra ta’ rkupru ta’ tali skart.
Prodotti radjuattivi
L-importazzjonijiet ta’ prodotti radjuattivi huma ristretti ħafna sabiex l-ambjent u s-saħħa pubblika jiġu ppreservati mir-riskju radjuattiv.