Unjonijiet doganali

X’inhuma l-unjonijiet doganali?

L-unjonijiet doganali huma gruppi ta’ pajjiżi li japplikaw sistema komuni waħda ta’ proċeduri, regoli u tariffi għall-importazzjonijiet, l-esportazzjonijiet u l-oġġetti ta’ tranżitu kollha tagħhom jew kważi kollha. Normalment, il-pajjiżi li jipparteċipaw fl-unjonijiet doganali jikkondividu politiki komuni dwar il-kummerċ u l-kompetizzjoni.

Dazji fuq merkanzija li tkun ġejja minn barra l-unjoni doganali jitħallsu darba meta l-merkanzija tidħol għall-ewwel darba. Wara dan, m'hemm xejn aktar x'jitħallas u l-merkanzija tiċċaqlaq liberament fl-unjoni doganali.

F’unjoni doganali

Hemm tariffa esterna waħda għall-oġġetti u s-servizzi kollha importati minn barra l-unjoni doganali fi kwalunkwe wieħed mill-pajjiżi membri tagħha.

Il-merkanzija tiċċaqlaq liberament bejn żewġ partijiet tal-unjoni doganali (jew prodotta kompletament fl-Unjoni jew imqiegħda f’ċirkolazzjoni libera wara li tiġi importata minn pajjiżi terzi) mingħajr dazji doganali fil-fruntieri interni.

Il-politika kummerċjali u l-liġijiet doganali huma allinjati u l-pajjiżi jikkondividu standards komuni f’diversi oqsma bħall-proprjetà intellettwali, il-kompetizzjoni, it-tassazzjoni, eċċ.

X'inhuma l-unjonijiet doganali fid-dinja?

• Il-Komunità Andina (CAN)
• Il-Komunità tal-Karibew (CARICOM)
• Is-Suq Komuni tal-Amerika Ċentrali (CACM)
• Il-Komunità tal-Afrika tal-Lvant (EAC)
• Il-Komunità Ekonomika u Monetarja tal-Afrika Ċentrali (CEMAC)
• Unjoni Doganali Ewro-Asjatika (EACU)
• Unjoni Doganali tal-Unjoni Ewropea (EUCU)
• Unjoni Doganali UE-Andorra
• Unjoni Doganali UE-San Marino
• Unjoni Doganali bejn l-UE u t-Turkija
• Kunsill ta' Kooperazzjoni tal-Golf (GCC)
• L-Awtorità Iżraeljana-Palestinjana
• Is-Suq Komuni tan-Nofsinhar (MERCOSUR)
• L-Unjoni Doganali tan-Nofsinhar tal-Afrika (SACU)
• Svizzera-Liechtenstein (CH-FL)
• Unjoni Ekonomika u Monetarja tal-Afrika tal-Punent (WAEMU)