Arranġamenti kummerċjali unilaterali

X’inhu arranġament kummerċjali unilaterali?

Taħt arranġamenti kummerċjali unilaterali, il-pajjiżi żviluppati jagħtu preferenzi kummerċjali mhux reċiproċi lill-pajjiżi li qed jiżviluppaw biex jgħinuhom iżidu l-esportazzjonijiet tagħhom u jippromwovu l-iżvilupp ekonomiku.

Dawn huma maħsuba biex

• jippromwovu l-esportazzjonijiet u l-iżvilupp ekonomiku fil-pajjiżi benefiċjarji;
• jappoġġaw l-isforzi tagħhom biex inaqqsu l-faqar, jippromwovu l-governanza tajba u jappoġġaw l-iżvilupp sostenibbli;
• jippromwovu l-konformità mal-istandards internazzjonali dwar id-drittijiet tal-bniedem, id-drittijiet tax-xogħol u l-protezzjoni ambjentali.
   

Xi jfisser għalik?

• Skemi preferenzjali jippermettulek tesporta minn pajjiż li qed jiżviluppa lejn pajjiż żviluppat b'tariffi mnaqqsa jew mingħajr tariffi.
• Il-prodotti tiegħek iridu jikkwalifikaw bħala li joriġinaw fil-pajjiż benefiċjarju skont ir-regoli tal-oriġini stabbiliti fl-iskema ta’ preferenza speċifika.
• Il-kopertura tal-prodotti, il-kopertura tal-pajjiżi u r-regoli speċifiċi jvarjaw ħafna minn arranġament għal ieħor.

Kundizzjonalità

L-arranġamenti kummerċjali unilaterali spiss ikunu marbuta mal-iżviluppi fid-drittijiet tal-bniedem, l-iżvilupp sostenibbli u l-governanza tajba fil-pajjiżi benefiċjarji. Fil-każ ta' ksur serju u sistematiku, il-pajjiż fornitur jista' jirtira dawn il-benefiċċji sakemm is-sitwazzjoni titjieb b'mod suffiċjenti.

Pajjiżi fornituri

Il-fornituri ta’ arranġamenti kummerċjali preferenzjali minbarra l-UE jinkludu: L-Awstralja, il-Kanada, iċ-Ċilì, iċ-Ċina, l-Unjoni Ekonomika Ewrasjatika (EAEU) l-Iżlanda, l-Indja, il-Ġappun, il-Korea t’Isfel, il-Montenegro, il-Marokk, New Zeeland, in-Norveġja, l-Iżvizzera, it-Tajwan, it-Taġikistan, it-Tajlandja, it-Turkija u l-Istati Uniti tal-Amerka. 

Sib il-lista ta’ arranġamenti kummerċjali preferenzjali fid-dinja