Is-suq tal-UE

Dan ifisser li

• l-ebda dazju doganali ma jitħallas fuq merkanzija li tiċċaqlaq bejn l-Istati Membri tal-UE
• L-Istati Membri tal-UE japplikaw tariffa doganali komuni għal oġġetti importati minn barra l-UE
• il-merkanzija li tkun ġiet importata legalment tista’ tiċċirkola madwar l-UE mingħajr kontrolli doganali ulterjuri.

In-negozji fl-UE u barra minnha jibbenefikaw minn

• suq għall-prodotti tagħhom ta’ aktar minn 400 miljun konsumatur
• aċċess aktar faċli għal firxa wiesgħa ta’ fornituri u konsumaturi
• kostijiet unitarji aktar baxxi
• opportunitajiet kummerċjali akbar.

Ladarba d-dazji doganali jkunu tħallsu kif xieraq u l-kundizzjonijiet tal-importazzjoni jkunu ġew ivverifikati, il-merkanzija importata tkun tista’ tiċċirkola liberament fl-UE mingħajr ebda kontroll doganali ulterjuri.

It-Territorju Doganali tal-Unjoni jinkludi t-territorji tal-Istati Membri li ġejjin

• il-Belġju,
• il-Bulgarija,
• il-Kroazja,
• ir-Repubblika Ċeka,
• id-Danimarka, minbarra l-Gżejjer Faeroe u l-Groenlandja,
• il-Ġermanja, minbarra l-Gżira ta' Heligoland u t-territorju ta' Büsingen,
• l-Estonja,
• l-Irlanda,
• il-Greċja,
• Spanja, għajr Ceuta u Melilla,
• Franza, minbarra New Caledonia, Saint-Pierre u Miquelon, il-Gżejjer Wallis u Futuna, il-Polineżja Franċiża u t-Territorji Franċiżi tan-Nofsinhar u tal-Antartiku, iżda inklużi d-dipartimenti extra-Ewropej tal-Gwadelup, il-Guyana Franċiża, Martinique, Mayotte u l-Gżejjer Reunion,
• l-Italja, minbarra l-muniċipalitajiet ta' Livigno u Campione d'Italia u l-ilmijiet nazzjonali tal-Lag ta' Lugano li jinsabu bejn ix-xatt u l-fruntiera politika taż-żona bejn Ponte Tresa u Porto Ceresio,
• Ċipru (sakemm tinstab soluzzjoni għall-problema ta' Ċipru, l-applikazzjoni ta' l-'acquis' tal-Komunità hija sospiża f'dawk iż-żoni fejn il-Gvern tar-Repubblika ta' Ċipru ma jeżerċitax kontroll effettiv),
• il-Latvja,
• il-Litwanja,
• il-Lussemburgu,
• l-Ungerija,
• Malta,
• il-Pajjiżi l-Baxxi fl-Ewropa,
• l-Awstrija,
• il-Polonja,
• il-Portugall,
• ir-Rumanija,
• is-Slovenja,
• ir-Repubblika Slovakka,
• il-Finlandja,
• l-Iżvezja.

It-territorju doganali tal-Unjoni jinkludi l-ilmijiet territorjali, l-ilmijiet interni u l-ispazju tal-ajru tal-Istati Membri, minbarra l-ilmijiet territorjali, l-ilmijiet interni u l-ispazju tal-ajru tat-territorji li jinsabu barra mit-territorju doganali tal-Unjoni.

It-territorju tal-Prinċipat ta' Monaco, inklużi l-ilmijiet territorjali tiegħu, l-ilmijiet marittimi interni u l-ispazju tal-ajru, għalkemm jinsab barra t-territorju tal-Unjoni, għandu wkoll jitqies bħala parti mit-territorju doganali tal-Unjoni.

l-UE