Tá súil ag Sonimpex gur maith leat go dtosnódh tú

Tá ainm roinnt réigiún Eorpach comhchiallach le bianna agus deochanna speisialaithe ar leith. Tugann an tAontas Eorpach stádas Tásca Geografach faoi Chosaint (TGFC) chun a áirithiú nach féidir ach le cáis ó Gorgonzola san Iodáil, nó le fíon súilíneach ó Champagne sa Fhrainc, ainm a réigiúin a úsáid maidir le brandáil agus margaíocht. Is amhlaidh atá i gcás Topoloveni Magiun, subh plumaí ó réigiún Topoloveni na Rómáine. I gcás Sonimpex, an monaróir, de bharr na cosanta breise seo, is cinneadh a bheidh sna comhaontuithe trádála agus margaí nua á mbreithniú. Is amhlaidh atá toisc go n-áirítear i gcomhaontuithe trádála de chuid an Aontais TGFCanna a chuireann cosaint dhlíthiúil ar fáil in aghaidh iomaíocht éagórach.

Oibríonn an comhaontú trádála agus an tásc geografach faoi chosaint le chéile mar ráthaíocht ar ár gcáilíocht
Diana Stanciulov, Bainisteoir Ginearálta ag Sonimpex

Ó 2008, dhírigh siad ar Topoloveni Magiun a dhíol i bprócaí faoina mbranda féin, seachas ar an mórchóir. Leis seo, thosaigh Sonimpex ag féachaint ar mhargaí nua agus ag glacadh páirte in aontaí trádála agus i dtaispeántais ar fud an domhain. Mar thoradh ar an straitéis nua sin, bhí ‘dul chun cinn maidir le cáilíocht táirgí agus aitheantas náisiúnta agus idirnáisiúnta den cháilíocht seo’, dar le Stanciulov Uas.

Táirgí atá faoi chosaint

In 2011, bhronn an Coimisiún Eorpach stádas Tásca Geografach faoi Chosaint (TGFC) ar Topoloveni Magiun. Tugann an deimhniú seo aitheantas do cháilíocht an táirge agus don ghaol uathúil atá idir an réigiún agus an táirge, agus cinntíonn sé go gcosnaítear an táirge ar iomaíocht éagórach. Tá comhaontuithe trádála ríthábhachtach chun a áirithiú go n-aithnítear agus go gcosnaítear TGFCanna lasmuigh den Aontas. Deir Bn. Stanciulov, ‘nuair a chuamar isteach i margaí na Seapáine agus Cheanada, bhí iontas orainn gur chosain an Tásca Geografach faoi Chosaint ár dtáirge mar gheall ar na comhaontuithe trádála’.